Çox uzun müddətdir ki, zərif cinsin nümayəndələri arasında dar büstqalter taxmağın sağlamlığa son dərəcə zərərli olduğuna dair bir fikir var. Üstəlik, bir çoxları dar alt paltarın sinəni o qədər çox sıxa biləcəyindən qorxur ki, sonradan döş xərçəngi və digər ölümcül şişlər əmələ gələ bilər.

Aztibb.az “SM.News”a istinadən yazır ki, radioterapevt Tatyana Çuprik-Malinovskaya düzgün ölçüdə olmayan büstqalter geyinməyin xərçəngə səbəb ola biləcəyini mif hesab edib.

Həkim heç bir tibbi əsası olmayan belə bir ifadə ilə qəti şəkildə razılaşmır. Mütəxəssis dar büstqalterin xərçəngə səbəb olmadığını deyib, bu cür alt paltarın səbəb ola biləcəyi yeganə şey dəridəki cızıqlar və qızartıdır.

Büstqaltersiz gəzməyin sağlamlığa mənfi təsiri ilə bağlı fikirlər isə ümumiyyətlə doğru deyil. Belə gəzmək qeyri-estetik görünüşdən başqa bir şey deyil.