Elm adamları arasında kiçik beyinli ibtidai insanların zəka və qabiliyyətləri ilə bağlı mübahisə yaranıb.

Aztibb.az xəbər verir ki, “Moskovski Komsomolets”də dərc olunan məqaləyə görə, Homo naledi növünün nümayəndələrində mürəkkəb davranışın inkişafını göstərən qəbirlər, alətlər və oyma simvollar tapılıb.

Bu tapıntılar göstərib ki, ilk insanlar müasir insanlarla müqayisədə beyin ölçüsünün kiçik olmasına baxmayaraq, dəfn mərasimləri və incəsənətin inkişafından çox əvvəl mürəkkəb davranışlar nümayiş etdiriblər.

Bəzi alimlər hesab edirlər ki, bu kəşflər təkamül ideyasını dəyişdirə və insan təbiəti haqqında bəzi fikirlərin yenidən nəzərdən keçirilməsinə səbəb ola bilər. Bununla belə, Homo naledinin intellektual qabiliyyətlərinə şübhə ilə yanaşan tədqiqatçılar da var.