Alimləri pendir pəhrizinin travma sonrası stress pozğunluğuna kömək etdiyini sübut ediblər. 

 

Aztibb.az xəbər verir ki, 74.ru portalının məlumatına görə, tədqiqatçıların ağ siçovullar üzərində apardıqları təcrübələrdən məlum olub ki, 30 qram dəymiş pendirin müntəzəm istehlakı stressin öhdəsindən gəlməyə kömək edə bilər.

Təcrübələr zamanı heyvanlar süni şəkildə qorxu və çaxnaşma vəziyyətinə gətirilib, sonra isə 2 qrupa bölünüblər. Birinci qrupa yemək üçün pendir verilib, ikinci qrupa isə yox. Nəticədə, elm adamları pendir yeyən siçovullarda yeməyənlərə nisbətən daha çox dopamin ("zövq hormonu") olduğunu aşkar ediblər. 

 

Tədqiqatçı alim Olqa Tseylikman maraqlı bir faktı qeyd edib: "Stressdən sonra pendir verilən siçovullarda dopamin səviyyəsi azalmayıb. Üstəlik, onlar stressin daha az davranış əlamətlərini göstəriblər. Sanki pendir bir növ "amortizator" rolunu oynayırdı".

Olqa Tseilikman onu da bildirib ki, təcrübələr pendir yeməyin insanların əhval-ruhiyyəsini yaxşılaşdırdığını və hətta ömrünü uzatdığını təsdiqləyib. O, qırmızı şərab və dəymiş pendirlərin uzunömürlülük, incəlik və yaxşı idrak fəaliyyətinin səbəblərindən biri hesab edildiyi Aralıq dənizi pəhrizini misal çəkib.

Gündə 30-40 qram pendir yemək stress keçirən insanların müsbət təsirlər hiss etməsinə kömək edə bilər.