Aztibb.az  "ATS Journals" portalına  istinadən yazır ki, tədqiqatda ağciyər problemi olmayan 15 000-dən çox sağlam insan iştirak edib. İştirakçıların orta yaşı 56 olub. Onların vəziyyəti 20 il ərzində nəzarətdə saxlanılıb. 

Məlumatların təhlili göstərib ki, qanda yüksək səviyyədə omeqa-3 yağ turşuları olan insanlarda ağciyər funksiyasının pisləşməsi prosesi nəzərəçarpacaq dərəcədə yavaş olur. Somon, ton balığı və sardina kimi yağlı balıqlarda yüksək miqdarda olan turşu (DHA) xüsusilə faydalı olub.

Tədqiqatın nəticələrini yoxlamaq üçün alimlər biobanklarda saxlanılan 500 mindən çox insanın genetik məlumatlarını da araşdırıblar. Təhlil DHA daxil olmaqla, omeqa-3 yağ turşularının yüksək səviyyələri ilə əlaqəli genetik əlamətlər və təkmilləşdirilmiş ağciyər funksiyası arasında əlaqəni göstərib.

Tədqiqatda yalnız sağlam insanları iştirak edib. Gələcəkdə alimlər tədqiqatı genişləndirməyi və xroniki obstruktiv ağciyər xəstəliyi olan insanlarda omeqa-3 yağ turşularının sağlamlığa təsirini qiymətləndirməyi planlaşdırırlar. 

 

Bu araşdırma omeqa-3 yağ turşuları da daxil olmaqla sağlam pəhrizin ağciyər sağlamlığının qorunmasında mühüm amil ola biləcəyinə dair mövcud sübutlara yeni məlumatlar əlavə edir. Xroniki ağciyər xəstəliklərinin inkişafında pəhrizin rolu hələ də zəif başa düşülür və bu yeni tapıntılar sağlamlığımızın bu vacib aspektini daha yaxşı başa düşməyə kömək edəcəkdir.