Həkim qeyd edib ki, körpələrdə və uşaqlarda ritm yuxarı olur və bu normaldır. Böyük insanda nəbzin sakit vəziyyətdə vurğusu dəqiqədə 60-90 arası olmalıdır: "Fiziki iş, idman, qaçış, ciddi stress, yerindən qəfil qalxmaq və s. zamanı nəbzin 100-ə qalxması baş verir ki, bəzən bu da normal hesab edilir".

Əgər nəbz gündə 110-120-ə çatırsa və xəstədə təngnəfəslik, ürəyin çırpınması kimi hallar baş verirsə, gecikmədən kardioloqa müraciət edilməli, xəstə EKQ, EXQ olunmalı və sutkalıq nəbz monitorinqi aparılmalıdır.

Normalara görə, 50 yaşa kimi ideal nəbz 60-80 arasındadır. Qadınlarda 70-85 çata bilər. 50 yaşdan sonra göstərici 10 rəqəm artır. Amma bəzi beynəlxalq normalar müasir insanın həyat şəraitini nəzərə alaraq, 90-a qədər olması normal hesab edir.