Yuxuda tənəffüsün dayanması tibbdə "obstruktiv yuxu apnoe sindromu" adlanır. Xoruldama bu xəstəliyin əsas simptomu sayılır.

Aztibb.az xəbər verir ki, lor cərrah, otonevrologiya üzrə mütəxəssis Nigar Muradova bu sindromla bağlı bəzi məqamları diqqətə çatdırıb:

"Yuxuda udlaq əzələləri zəifləyir, nəticədə nəfəs yolları tam qapana bilir. Bu zaman orqanizm oksigen çatışmazlığından (hipoksiya) əziyyət çəkməyə başlayır. Oksigenin çatışmazlığı ilk növbədə ürəyə və beyinə mənfi təsir edir. Arterial təzyiq müvəqqəti kəskin qalxır. Ağır hallarda yuxuda ani ölümə səbəb ola bilir".

Həkim qeyd edib ki, müalicə üçün ilk növbədə müayinə ilə sindroma səbəb olan simptomlar təyin olunmalıdır.

Obstruktiv yuxu apnoe sindromu ağağıdakı əlamətlərlə bilinir:

• Nəfəs yollarında daralmalar,

• Burun çəpərinin əyriliyi,

• Burunda poliplər,

• Böyümüş adenoidlər və badamcıqlar,

• Dilçəyin uzun olması