Səsdən nifrət etmək kimi bilinən bu xəstəlik 2001-ci ildə Pavel Jastrebof tərəfindən aşkar edilmişdir.

Aztibb.az-a NA-Loqopedik Psixoloji Mərkəzdən verilən məlumata görə, öskürək, xoruldamaq, yemək yemək, saqqız çeynəmək, nəfəs almaq, diş fırşalamq, dırnaq kəsmək, asqırmaq, gülmək, əsnəmək, danışmaq və.s kimi gündəlik həyatta sıx-sıx qarşılaşılan səslərdən narahat olan hətta əsəbləşən insanların narahatlığı misofoniya olaraq adlandırılır.

Bu xəstəliyin səbəbi tam olaraq bilinməsə də, nevroloji ve psixoloji bir pozuntu olaraq adlandırılan xəstəliyə beynin frontal lobundakı fərqliliklərdən qaynaqalandığı düşünülür.

Xəstələr ətraf mühitdəki səslərdən o qədər narahat olurlar ki, bir müddət sonra həyatdan uzaqlaşmağa və yalnızlaşmağa başlayırlar.

Misofoniya xəstələri adətən az danışan insanlardır. Təbiət səslərindən və akustik əks-sədadan ifrat dərəcədə həzz alarlar. Yüksək dağa çıxıb bağıraraq səslərini eşitdirmək istəyərlər. O zaman daxillərində hüzur dalğalanması baş verər və rahatlığa qovuşarlar.