Qəhvə hər gün dünyada milyonlarla insan tərəfindən içilir, buna görə də alimlərin canlandırıcı içkinin xüsusiyyətlərini təkrar öyrənməsi təəccüblü deyil.

Aztibb.az kp.ru-ya istinadən xəbər verir ki, portuqaliyalı elm adamları bu yaxınlarda apardıqları araşdırmada bir fincan qəhvədən sonra oyanıqlığa təkcə kofeinin cavabdeh olmadığını müəyyən ediblər.

İki qrup insan üzərində təcrübə aparılıb, birinə bir fincan qəhvə təklif edilib, digərinə isə sadəcə isti suda həll olunmuş kofein verilib. Eyni zamanda, bütün könüllülər beynin maqnit rezonans tomoqrafiyasından (MRT) istifadə edərək müayinə olunublar.

Nəticələr isə təəccüblü idi - qəhvə içənlər, kofeinə adi reaksiya ilə yanaşı, yaddaş, sayıqlıq və intellektual işə cavabdeh olan beynin bəzi nahiyələrində dəyişikliklər göstəriblər. Yəni qəhvə əslində performansı artırır. Alimlərin sözlərinə görə, ikinci qrup könüllülərdə yalnız şən əhvalın təsiri aşkar edilib.

Bu nəticələr göstərir ki, qəhvə tərkibindəki kofeinlə deyil, ümumiyyətlə, insana faydalı təsir göstərir. Bundan əlavə, alimlər müəyyən ediblər ki, insan qəhvədən nə qədər az istifadə edirsə, onun orqanizm üçün bir o qədər faydalıdır. Həkimlərin gündə bir-üç fincandan çox qəhvə içilməməsi ilə bağlı tövsiyələri bunu bir daha təsdiqləyir.