Amerikalı alimlər vaxtından əvvəl ölüm ehtimalının normal çəkili və yüngül piylənməsi olan insanlarda fərqlənmədiyini müəyyən ediblər.

Aztibb.az “PLoS One” elmi jurnalına istinadən xəbər veri ki, Nyu-Brunsvikdəki Rutgers Sağlamlıq Tədqiqatları İnstitutundan bir qrup tədqiqatçı yüksək kütlə indeksinə malik xəstələrin və normal çəkisi olan insanların ölüm səbəblərini araşdırıb.

Alimlər 1999-2018-ci illər arasında ABŞ-ın sosial və tibbi xidmətlərindən alınan məlumatları təhlil ediblər.

Araşdırmada qeyd olunur ki, kütlə indeksi yüksək olan insanlar ağır infeksiyalara və xəsarətlərə daha yaxşı dözür, arıq insanlar isə diabetin ağır formalarından və digər xroniki xəstəliklərdən əziyyət çəkirlər.

Əldə edilən nəticələr artıq çəkinin vaxtından əvvəl ölüm riskinə təsiri ideyasını şübhə altına alır. Onlar həmçinin piylənmənin yüngül formalarını yaşayan insanları hipertoniya və digər xəstəliklərin inkişaf riskindən tam olaraq nəyin qoruduğunu öyrənə biləcəklər.