İslandiyanın paytaxtı Reykyavikdən cənub-qərbdə, Reykjanes yarımadasında yaşayan sakinlərə vulkan püskürməsi ilə bağlı xəbərdarlıq edilib.

Aztibb.az xəbər verir ki, "Reuters"in məlumatına görə, vulkan püskürməsinin baş verdiyi əraziyə yaxın olan islandiyalılara gecələr pəncərələrini bağlamaq və ventilyasiyadan istifadə etməmək tövsiyə olunub.

Hüquq-mühafizə orqanları vulkandan atılanların "həyatı üçün təhlükəli zəhərli qazlar" ola biləcəyini bildiriblər. Həmçinin əhalidən birbaşa vulkanın yaxınlığındakı ərazini tərk etmək tələb edilib.

Reykyavikdən 200 kilometr aralıda 2010-cu ildə İslandiyadakı digər bir vulkanın püskürməsi səbəbindən bütün Avropada hava nəqliyyatı kəsilmişdi. Bu hadisə səyahətçilər üçün ciddi nəticələrə və əhəmiyyətli narahatlıqlara səbəb olmuşdu.