Müxtəlif vaxtlarda aparılan sorğular zamanı “təhlükəli” peşə sahibləri arasında həkimlər və tibb bacıları da yer alıb.

Aztibb.az "Parlamentskaya qazeta"ya istinadən yazır ki, bu peşə sahibləri işdə çox vaxt eşitmə qabiliyyətini itirirlər, sinir sistemi xəstəliklərinə, xroniki obstruktiv ağciyər xəstəliyinə, bronxitlərə, vərəmə və hətta HİV-ə yoluxurlar.

Həkimlər bir çox sosial-psixoloji çətinliklərlə rastlaşır və bəzən öhdəsindən gəlməkdə çətinlik çəkirlər. Belə situasiyalarda isə keçirdikləri stres və frustrasiya halları həkimlərin peşə fəaliyyətinə mənfi təsir göstərir.

Həkimlərin stres şəraitinə düşmələri onların qarşılaşdıqları riskli hadisələr ilə bağlıdır. Hər bir cərrah yeni əməliyyata girərkən stresli situasiya ilə üzləşir, xüsusilə yeni işə başlayan gənc kadrlar daha çox stresə məruz qalır.

Eyni zamanda rentgenoloqlara rentgen şüalarının təsiri, anestezioloqun xəstəni yatızdırarkən daim diqqətini mərkəzləşdirməsi və davamlılığına nəzarət etməsi, diş həkiminin əlləri ilə ağızda və ağız damarlarında olan xəstəliklərlə işləməsi stres hallarının artımına təsir edir.

Hər bir peşə sahəsində mütəxəssis olan insanların işin gərginliyini azalt- maq üçün müəyyən müddət də olsa işdən uzaqlaşıb dincəlməyi zəruri amillərdəndir.