ABŞ-ın Harvard Universitetinin alimləri tərəfindən yeni araşdırma pəhrizlərlə vaxtından əvvəl ölüm arasında hər hansı əlaqəni tapmaq məqsədilə aparılıb.

Aztibb.az xəbər verir ki, “JAMA Internal Medicine” jurnalında dərc olunan araşdırmaya görə, qida təlimatlarının sağlamlığa təsirləri ilə bağlı tapıntılar bu günə qədər ən əhatəli olan nəticələrdir.

ABŞ-da ən çox yayılmış dörd pəhrizi təhlil edən komanda, 36 ildən çox müddət ərzində iştirak edən 75.000 qadın və 44.000-dən çox kişini izləyiblər.

Ən yaxşı pəhriz kimi seçilən Aralıq dənizi pəhrizi tam taxıl, balıq və ya toyuq əti, tərəvəz və antioksidantla zəngin zeytun yağı yeməyi tövsiyə edir.

Aralıq dənizi pəhrizi Aralıq dənizi ilə həmsərhəd olan 21 ölkənin, o cümlədən təzə göyərti, meyvə, balıq, qoz-fındıq və zeytunla zəngin olan İtaliya, Yunanıstan, Xorvatiya, Türkiyə və Monako ölkələrinin ənənəvi pəhrizlərindən irəli gəlir.

Əvvəlki araşdırmalara görə, Aralıq dənizi pəhrizinin ürək-damar xəstəlikləri və digər xroniki xəstəliklər riskini azaltdığı bilinir. Bu pəhrizə riayət edənlərdə ölüm riski 18% azalıb.