Şam yeməyindən sonra dərhal yatan insanlarda xərçəng xəstəliyinə tutulmaq ehtimalı yüksəkdir.

Aztibb.az "İzvestiya"ya istinadla xəbər verir ki, tədqiqatlara əsasən, dolu mədə ilə yatmaq süd və prostat vəzinin onkologiyasının inkişafına gətirib çıxarır.

Tədqiqat üçün mütəxəssislər 600-dən çox prostat və 1000-dən çox süd vəzinin xərçəngi hallarını araşdırıblar.

Nəticə göstərib ki, şam yeməyindən minimum iki saat sonra yatan insanlarda bədxassəli şişlərin inkişaf riski qida qəbulundan dərhal sonra yatan insanlarla müqayisədə 20% azdır.

Bu yöndə aparılan təqdiqatlar xərçəngin qarşısının alınması üçün ipucları da verib.

İllinoys Universitetinin alimləri müəyyən edib ki, omeqa-3 yağ turşuları xərçəngin yaranmasının qarşısını ala, həmçinin onun artmasını və yayılmasını dayandıra bilər.