Allerqoloq-immunoloq Andrey Prodeus 15-18 yaş insanlar arasında meningit xəstəliyinin baş verməsi barədə fikirlərini bildirib.

Aztibb.az ecopravda.ru-ya istinadən xəbər verir ki, həkimin izahına görə, yeniyetməlik meningit üçün ən təhlükəli dövrlərdən biridir.

Peşə məktəblərində, universitetlərdə və kolleclərdə təhsil alan tələbələr risk altındadır. Bu yaş arası insanlar ən həssas hesab olunur. Həkim onu da qeyd edib ki, meningit adətən ağır keçir və ona görə də peyvənd lazımdır. O vurğulayıb ki, peyvəndin düzgün seçilməsi üçün xüsusi ştammı müəyyən etmək lazımdır və bunun üçün testlər var.

Həkim həmçinin yoluxmuş insanlarla təmasda olan insanların izlənilməsinin və onların sonradan peyvənd edilməsinin vacibliyini vurğulayıb. Bu, xəstəliyin yayılmasının qarşısını almağa və insanları onun mənfi nəticələrindən qorumağa kömək edəcək.