Uvuloplastika və ya uvulopalatinoplastika dilin kökü ilə palatal pərdə arasındakı boşluğu artırmaq məqsədi daşıyan əməliyyatdır.

Aztibb.az estet-portal.com-a istinadən xəbər verir ki, həkim öncə palatin pərdəsinin sallanma dərəcəsini qiymətləndirir və xoruldamanın inkişafı üçün başqa səbəblər olmadığı təqdirdə bu müalicə üsulu təklif edilir.

Uvuloplastika həm lokal anesteziya, həm də ümumi anesteziya altında edilə bilər. Əməliyyat zamanı yumşaq damağın toxumalarının bir hissəsi kəsilir və o, möhkəmlənir. Bu, damağın ayırıcı funksiyasını yerinə yetirməsi və qidanın burun boşluğuna daxil olmasına mane olması üçün lazımdır.

Son nəticə bir aydan sonra, tam sağalma baş verdikdə qiymətləndirilə bilər. Lakin xəstələr ilkin effekti əməliyyatdan dərhal sonra hiss edirlər.