Müntəzəm olaraq yuxusuzluq yaşayan insanlarda effektivlik, motivasiya azalır və onlar da bir çox xəstəliklərə tutulma riski altındadırlar.

Aztibb.az pravda.ru-ya istinadən xəbər verir ki, bu sözləri somnoloq İrina Zavalko bildirib.

"İnsanların təxminən 25%-i vaxtaşırı yuxu problemi yaşayır. Son iki-üç il ərzində müxtəlif hadisələr nəticəsində insanların 50%-ə qədəri vaxtaşırı yuxu pozğunluğundan əziyyət çəkir", - mütəxəssis qeyd edib.

Bu, xüsusilə ofis işçiləri və ya növbəli işçilər üçün xarakterik olur.

Uzun müddətdə müntəzəm yuxusuzluq çəki artımı və piylənmə, metabolik pozğunluqlar, pozulmuş qlükoza tolerantlığı - şəkərli diabet, ürək-damar xəstəliklərinin, o cümlədən arterial hipertoniyanın inkişaf riskini, tibbi mənada depressiya riskini artırır.

"Bu, həm də onkoloji xəstəliklərin riskini artırır. İndi neyrodegenerativ xəstəliklərin daha yüksək ehtimalla inkişaf edə biləcəyi barədə məlumatlar var ", - deyə həkim qeyd edib.

“Bu o demək deyil ki, yuxusuz insan hər şeydən xəstələnəcək, amma riski artır. Yuxusuzluğun müalicəsinin əsas üsulu dərmanlar, yuxu həbləri və digər dərmanlar deyil, koqnitiv davranış terapiyasıdır. Bu, yuxu və yuxusuzluq baxımından davranışın dəyişdirilməsinə yönəlmiş xüsusi üsuldur", - somnoloq yekunlaşdırıb.