Mütəxəssislər yay vaxtı evdə tozdan çirklənməyə diqqətli olmağı tövsiyə edib. Məsələ sağlamlıqdadır, çünki tozun tərkibinə təkcə bakteriyalar deyil, həm də ağır metallar, toksinlər, göbələklər daxildir və bütün bunlarla insan nəfəs alır.

Aztibb.az “PrimaMedia”ya istinadən xəbər verir ki, ekspertin sözlərinə görə, ən çox toz xalçalarda, yumşaq mebellərdə, pərdələrdə, yumşaq oyuncaqlardadır. Toz mənbəyi isə heyvan tükləri, havalandırma, pəncərələr, paltar və ayaqqabılardır.

Bundan əlavə, toz gənələri sağlamlıq üçün təhlükə yaradır, xüsusən də onların nəcisləri tozla birlikdə havaya qalxır və tənəffüs yollarının selikli qişalarına çökür.

Mütəxəssis həftədə bir dəfə nəm təmizləmə, ümumi təmizliyin isə ən azı ayda bir dəfə aparılmasını tövsiyə edir.