ABŞ-ın Ohayo ştatının sakini qəribə vəziyyətdə həkimə müraciət edib. Həkimlər xəstənin dilini yaşıl rəng almış və tüklə örtülmüş vəiyyətdə görüblər.

Aztibb.az actualnews.org-a istinadən xəbər verir ki, həkimlər bu qeyri-adi durumun antibiotik qəbulundan qaynaqlandığına inanırlar.

Şikayət edən 64 yaşlı kişi heç bir ağrı hiss etmədiyini bildirib. Məlum olub ki, o, uzun müddət siqaret çəkib və klindamisin antibiotikini qəbul etməyə başlayıb. Müayinə zamanı adi haldan daha böyük filiform papillaların olduğu məlum olub.

Tüklü dilin isə pis vərdişlərdən, ilk növbədə siqaretdən və antimikrobiyal dərmanların qəbulundan qaynaqlandığı düşünülür.

Yerli klinikanın həkimləri kişiyə dilinin səthini diş fırçası ilə fırçalamaqda diqqətli olmağı tövsiyə ediblər. Altı aylıq müşahidədən sonra xəstənin vəziyyəti qənaətbəxş olub.