Trans-Baykal diyarında ayı ətindən zəhərlənənlərin sayı 11 nəfərə çatıb.

Aztibb.az "Arqumentı i Faktı" nəşrinin məlumatına əsasən xəbər verir ki, həkim Aleksandr Lukaşevin sözlərinə görə, sanitar nəzarətdən keçməyən istənilən ət sağlamlıq üçün təhlükə yarada bilər.

"Lakin bütün ət növləri arasında ayı əti bəlkə də ən təhlükəlisidir. Bu, ayıların tez-tez trichinella parazitlərinin törətdiyi trixinoz adlı xəstəliyə tutulması ilə əlaqədardır. Bu parazitlərin sürfələri ətdə uzun müddət qala bilir”, – deyə həkim izah edib.

Yyoluxmuş ət düzgün bişirilməsə, insan trixinoz xəstəliyinə yoluxa bilər. Əvvəlcə sürfələr bağırsaqlarda inkişaf edir, sonra isə bədənin toxumalarına təsir göstərir. Bu xəstəlik sistemik toksikliyə və nəticədə ölümə səbəb ola bilər.

Trixinoz xəstəliyi çöl donuzlarında və qunduzlarda da baş verir.