Cərrah Aleksandr Umnov bildirib ki, əksər hallarda araq aludəçisi olan alkoqolik öz başına öhdəsindən gələ bilmir. Bunun üçün bir neçə mərhələdən ibarət müalicə lazımdır.

Aztibb.az news.ru-ya istinadən xəbər verir ki, onun sözlərinə görə, xəstəni pis vərdişdən xilas etməyin ən təsirli yolu bu içkiyə qarşı ikrah hissi yaratmaqdır.

Alkoqolik asılılığın öhdəsindən təkbaşına gələ bilməz. Müalicə lazımdır. Əvvəlcə insan orqanizmi toksinlərdən təmizlənir, sonra xüsusi mərkəzlərdə reabilitasiya aparılır. Tapşırıqlardan biri içkiyə qarşı nifrət yaratmaqdır, bu, ən təsirli yollardan biridir. Və bu nə qədər tez baş versə, bir o qədər yaxşıdır. Mütəxəssis qeyd edib ki, qohumlar təsir etməklə belə adamı dərhal xüsusi müalicəyə göndərməli və bir insanın içkini dayandıracağına dair vədlərinə inanmamalıdırlar.

Həkim onu da bildirib ki, araq insan orqanizminin demək olar ki, bütün orqan və sistemlərinə dağıdıcı təsir göstərir. Həkim əlavə edib ki, içki etil spirtindən başqa, zəhərli fusel yağları ilə təhlükəlidir. Araqdan ilk olaraq qaraciyər, mədəaltı vəzi və beyin əziyyət çəkir.

Həkim qeyd edib ki, araq ürək toxumasının distrofiyasına gətirib çıxarır, xəstələr qan təzyiqi, ritm pozğunluğundan əziyyət çəkirlər. Mütəxəssis vurğulaıb ki, bu növ spirtdən sui-istifadə qaraciyərin yağlı degenerasiyasına səbəb olur, buna görə də orqanizm əvvəlcə toksinləri emal edə bilmir, sonra isə sirroz inkişaf edir.a