Yapon alimləri tərəfindən innovativ dərman hazırlanıb. Bu, üçüncü diş dəstini böyütməyə imkan verəcəkdir.

Aztibb.az mednovelty.ru-ya istinadən xəbər verir ki, klinik sınaqlar bir ildən sonra başlayacaq.

Yapon alimləri insanlara yeni dişlər çıxarmağa imkan verəcək yeni dərmanın hazırlanması məqsədi ilə tədqiata başlayıb. Müəyyən edilib ki, bir insan üçüncü diş dəsti üçün lazım olan hər şeyə malikdir, lakin bu proses müəyyən bir protein tərəfindən bloklanır.

Bu məqsədlə əldə edilən yeni dərman siçanlar üzərində aparılan əvvəlki təcrübələrdə təsirli olub, dərman "üçüncü nəsil" dişlərin böyüməsini stimullaşdırıb.

Yeni dişlərin yetişdirilməsi ideyası hər bir diş həkiminin arzusudur. Tədqiqat zamanı diş böyüməsini məhdudlaşdıran USAG-1 zülalına diqqət yönəldilib. Bu zülalın funksiyasını bloklaya bilən neytrallaşdırıcı antikor hazırlanıb. Dərman siçanlara verilib və yeni dişlər çıxıb.

Artıq dərmanın insanların istifadəsi üçün hazırlanması istiqamətində işlər aparılır. İlk növbədə, dərman anadangəlmə faktorlara görə yetkin dişlərin tam dəstini itirən xəstələr üçün nəzərdə tutulub. Buna "adentiya" deyilir.

Tədqiqatçılar qeyd ediblər ki, gələcəkdə dərman daha geniş tətbiqlərə malik ola bilər.