Onkohematoloq yuxusuzluq, burun qanamaları, tərləmə və nəfəs darlığının qan xərçəngini göstərə biləcəyini bildirib.

Aztibb.az xəbər verir ki, bunu Gazeta.ru-ya müsahibəsində onkohematoloq Anna Şubina bildirib.

O qeyd edib ki, xərçəngin bu növü tez-tez zəhərli maddələrə, radiasiyaya məruz qalma, pis vərdişlər və ya immunitetin azalması nəticəsində yaranır.

“Digər xərçəng növləri kimi leykemiyalar da ilkin mərhələdə özünü büruzə vermir və spesifik simptomları yoxdur. Buna baxmayaraq, yoluxucu xəstəliklərlə xəstələnmə ehtimalınız artarsa, diqqət etməlisiniz ", – deyə həkim izah edib.

Digər əlamətlər kimi həkim ümumi zəiflik, tez-tez nəfəs darlığı, tərləmə, yuxusuzluq, tinnitus və başgicəllənmənin ola biləcəyini deyib. Bundan əlavə, insanlar burun, diş əti və ya cinsiyyət orqanlarından müntəzəm qanaxma ilə bağlı həkimə müraciət etməlidir. Qadınlarda menstruasiya uzun ola bilər.

Daha əvvəl onkoloq Tyulandin bildirib ki, qış dövründə isti ölkələrdə istirahət etmək xərçəng xəstəliyinə tutulma riskini artıra bilər. Onun sözlərinə görə, günəşin ultrabənövşəyi şüalarına məruz qalmaq insan dərisinə mənfi təsir edir.