Amerikalı psixoterapevt Tomas Kerstinq “Fox News”a müsahibəsində ABŞ sakinlərinin niyə daha tez-tez spirtli içki qəbul etməyə başladığını izah edib.

Aztibb.az 360tv.ru -ya istinadən xəbər verir ki, “Sağlam yeniyetmələrin yetişdirilməsi” kitabının müəllifi Tomas Kerstinqin fikrincə, səbəb müntəzəm stress və alkoqollu içkilərin geniş yayılmasıdır.

Yaxın illərdə və onilliklərdə mütəxəssis hətta amerikalılar arasında alkoqolizm xəstələrinin sayının artacağını proqnozlaşdırıb. Bu tendensiya 2020-ci ildə koronavirus pandemiyası zamanı başlayıb, o zaman spirtli içki satışları 3% artıb ki, bu da 1970-ci ildən bəri ən yüksək göstəricidir. Üstəlik, insanlar çox vaxt evdə qalıb spirtli içki qəbul ediblər.

“Stressə gəlincə, buna bir çox hadisələr səbəb olur: rekord inflyasiya, sərhədi keçən insanların axını, əmək bazarındakı vəziyyət və belə vəziyyətə gətirib çıxaran bir çox başqa səbəblər”, - deyə T.Kerstinq bildirib.

Amerikalılar nəinki daha çox alkoqol istehlak etməyə, həm də onu vicdansız psixoterapevtlərin təyin etdiyi müxtəlif dərmanlarla “sulandırmağa” başlayıblar. Nəticədə, bu, bir çox insanlar üçün daha böyük psixi sağlamlıq problemlərinə səbəb olur.