Reklam saytlarına aldanıb istifadə müddəti bitmiş və ya işlənmiş kosmetika almamalısınız, çünki bu məhsulların istifadəsi xəstəliklərə səbəb ola bilər.
Aztibb.az pravda.ru-ya istinadən xəbər verir ki, bu barədə mütəxəssis Sergey Qildenskiold məlumat verib.
Açılan paketlərdə göbələklər və bakteriyalar çoxalmağa başlayır, nəticədə kosmetikalarda təhlükəli patogenlər əmələ gəlir.
Pseudomonas aeruginosa, Staphylococcus aureus və başqaları fırçalar, pudra, göz kölgəsi, göz layneri, tuş, dodaq parıldadıcısı və pomadada tapıla bilər.
Ən təhlükəlisi isə tonal kremləri tətbiq etmək üçün istifadə edilən süngərlərdir. Kosmetikanın müddəti bitibsə, infeksiya riski əhəmiyyətli dərəcədə artır.
Mütəxəssis bildirib ki, patogenlər blefarit, konyunktivit, herpes, furunkuloz və digər xəstəliklərə səbəb ola bilər.
