Amerikanın Çikaqo (İllinoys) və Detroit (Miçiqan) şəhərləri havanın ən çirkli olduğu şəhərlərin dünya reytinqinə başçılıq edirlər.

Aztibb.az xəbər verir ki, bunu “IQAir” portalının yenilənmiş məlumatları sübut edir.

Siyahıdakı 100 şəhər arasında havanın çirklənməsinə görə 176 balla Çikaqo birinci, Detroit isə 159 balla ikinci yerdədir.

Toronto (Kanada), Doha (Qətər), Lahor, Karaçi (Pakistan), Dehli (Hindistan), Dubay (BƏƏ), Pekin (Çin) və İnçxon (Cənubi Koreya) da havanın ən çirkli olduğu şəhərlər onluğuna düşüb.

“Regnum İA”nin məlumatına görə, iyunun 18-də Kanadanın Toronto şəhərində Ontarionun şimalında və qonşu Kvebekdə baş verən irimiqyaslı meşə yanğınları nəticəsində səmanı tüstü bürümüşdü. Kanada Milli Meteoroloji Bürosu Torontoda havanın çirklənmə səviyyəsini 10 baldan 7 olaraq qiymətləndirib.