Birləşdirici toxuma bədən toxumalarımızı bir arada tutan və onları birləşdirən və dəstəkləyən strukturların ümumi adıdır. Bunun üçün sümükləri, vətərləri, qığırdaqları və damar divarlarını saya bilərik.

Aztibb.az xəbər verir ki, revmatoloq Camal Hacıyevin bildiridiyinə görə, bu toxumaları pozaraq təsir edən xəstəliklərə birləşdirici toxuma xəstəlikləri deyilir.

Qeyd etmək lazımdır ki, birləşdirici toxuma xəstəliklərinə cəmiyyətdə tez-tez rast gəlinir. Birləşdirici toxuma xəstəliyi bədəni müdafiə edən mexanizmin qavrayış problemi nəticəsində özünə qarşı müharibəyə başladığı zaman meydana gəlir.

Birləşdirici toxuma xəstəliyini tətikləyən amillər arasında; genetik quruluş, bəzi viral və ya qeyri-viral infeksiyalar, zəhərli maddələrə, UV şüalarına və bəzi dərmanlara məruz qalma yer alır.

Birləşdirici toxuma xəstəliklərinin ümumi şikayətləri halsızlıq, oynaq ağrıları, əzələ ağrıları, ağız və ya göz quruluğu, günəşə qarşı həssaslıq, soyuq havalarda əllərin rənginin dəyişməsi kimi sıralana bilər.