Worlddata.info saytı Almaniya alimlərinin apardığı araşdırmanın nəticələrini təqdim edib. Araşdırma zamanı bütün dünyada qadınların orta döş ölçüsü müəyyən edilib.

Aztibb.az xarici sayta istinadən xəbər verir ki, norveçli qadınlar ən böyük döşlərə sahib olmaqla reytinqdə birinci yeri tutublar. Lüksemburqlular və İslandiyalılar müvafiq olaraq ikinci və üçüncü, amerikalılar və ingilislər isə dördüncü və beşinci yerləri tutublar. Vyetnamlı qadınlar ən kiçik döş ölçüsünə sahib olmaqla reytinqdə sonuncu yerdədirlər.

Tədqiqatçılar büstqalter ölçüsü və ölkə üzrə qadınların orta bədən kütləsi indeksi ilə bağlı məlumatları təhlil ediblər.

Bundan əlavə, alimlər döş ölçüsü ilə vətəndaşların gəlirləri arasında birbaşa əlaqə olduğunu qeyd ediblər.

Yoxsul ölkələrdən olan qadınlar özlərinə uyğun büstqalterə daha az sərmayə qoyurlar, buna görə də çox vaxt çox kiçik büstqalter taxırlar. İnkişaf etmiş ölkələrdə qadınlar daha çox ixtisaslaşmış mağazaların xidmətlərindən istifadə edir və uyğun ölçülü alt paltarı seçirlər.

Qadın döşü 50% yağ və 50% vəzi toxumasından ibarətdir. Böyük döşlər bel ağrısına, yuxarı boyun əzələlərinin və s. funksional əyriliyinə səbəb ola bilər.