Protein kokteyli heyvan və ya bitki mənşəli, həmçinin süd və ya yumurtadan alınan proteinlə doymuş içkidir.

Aztibb.az actualnews.org-a istinadən xəbər verir ki , bu içki idmanla bərabər, sağlam və düzgün bəslənmənin də məşhur məhsuluna çevrilib.

Kokteyllər intensiv fiziki gücdən sonra, arıqlamaq və ya əzələ kütləsi toplamaq prosesində istifadə olunur. Hazır protein kokteylləri satın alına bilər. Bir insanın məqsədi əzələ kütləsini artırmaqdırsa, onları məşqdən əvvəl və sonra istehlak etmək tövsiyə olunur.

Protein kokteyli arıqlamaq, maddələr mübadiləsini yaxşılaşdırmaq prosesinə də faydalı təsir göstərir. Bununla belə, effektiv nəticələr əldə etmək üçün qidanın kalorili məzmununa nəzarət etmək və fiziki məşqlərlə fəal məşğul olmaq lazımdır.

Zülalın orqanizm tərəfindən ləng udulması səbəbindən uzunmüddətli toxluq hissi təmin olunur, iştahı yatırır və piylərin yığılmasını azaltmağa kömək edən həddindən artıq yeməyin qarşısını alır.

Vegeterianlar üçün bitki əsaslı protein kokteylləri faydalıdır. Mənfi nəticələrin qarşısını almaq üçün onlardan sui-istifadə etməmək vacibdir. Gündə bir porsiya (30 q proteinə qədər) bir yeməyi əvəz edə bilər. Həddindən artıq istehlak böyrəklərə və qaraciyərə mənfi təsir göstərə bilər. Bu orqanların işində problemi olan insanların satın alınan kokteyllərdən çəkinmələri daha yaxşıdır. Allergik reaksiya və mədə-bağırsaq traktının pozulması mümkündür, çünki kokteyllərdə laktoza var.