Xarici alimlər diş pastasına bisindol adlı maddənin əlavə edilməsinin onun effektivliyini artırdığını müəyyən ediblər.

Aztibb.az actualnews.org-a istinadən xəbər verir ki, ağız boşluğu üçün belə bir profilaktika dişlərdə çürük və biofilmlərdən daha yaxşı qoruyur.

Negev Ben-Qurion Universitetinin mütəxəssisləri Sinqapur Milli Universiteti və Çinin Siçuan Universitetinin həmkarları ilə birlikdə təbii molekulların diş minası və diş əti toxumasına təsirini araşdırıblar.

Zərərli mikroorqanizm hətta sağlam dişləri olan insanlarda da olur. Bakteriya yavaş-yavaş dişlərdə çatlar, ərp və lövhə meydana gəlməsinə səbəb olur.

Nüfuzlu “Antibiotics” nəşri beynəlxalq qrupun ekspertlərinin işi haqqında məlumat yayıb. Mütəxəssislər bildirib ki, bisindol aşağı toksikliyə malikdir və həm kariyes, həm də digər xəstəliklər, həmçinin iltihabla mübarizədə effektiv şəkildə istifadə edilə bilər.

Üstəlik, bu təbii molekul antikanserogen xüsusiyyətlərə malikdir, bunun sayəsində bədəndə bədxassəli yenitörəmələrin yaranmasının qarşısını alır. Alimlər bisindolun təkcə diş pastalarına deyil, həm də qarqaralara və ağız eliksirlərinə əlavə edilməsini tövsiyə edirlər.