Rusiyada insan orqanizmində metabolik proseslərin xəstəlikləri və genetik pozğunluqlarına meylliliyi müəyyən etmək üçün nəzərdə tutulmuş “Metabolic Kit 60” reagent dəstinin tibbi məqsədlər üçün istifadəsinə icazə verilib.

Test dad qavrayışının xüsusiyyətlərini, vitamin mübadiləsini, detoksifikasiya sistemindəki anormallıqları və cinsi hormonları müəyyən etmək, karbohidrat, lipid və enerji mübadiləsinin spesifikliyini, həmçinin neyrotransmitterlərin işini, laktaza çatışmazlığını, qıcıqlanmaya meylliliyi müəyyən etmək üçün istifadə edilə bilər.

Aztibb.az xəbər verir ki, genetika üzrə mütəxəssis Valeri Polunovski gazeta.ru-ya müsahibəsində həkimlərin profilaktik tibb baxımından mühüm vasitə ilə təmin edildiyini deyib.

Əvvəllər yalnız öncədən mövcud olan xəstəliklərin diaqnozunu qoya bilən dəstlər var idi. İndi xəstəliklərə meylliyi müəyyən etmək asandır. Aydındır ki, ürək-damar xəstəliklərinin inkişafı bir çox amillərdən asılıdır. Amma test sayəsində indi həkim və xəstə bu amillərdən xəbərdar olacaq.

Test üçün genləri seçmək məqsədilə alimlər yüksək dərəcədə sübuta malik elmi meta-analizləri təhlil ediblər. Və bu işlər bütün dünyada aparılıb. Nəticələr iki biobankın məlumatları əsasında çıxarılıb: 550 000 nəfər haqqında məlumatı özündə əks etdirən ingilis və 300 000 nəfər çinli.

Həkimlər uzun müddət diaqnoz qoya bilmirlərsə, sözügedən testə müraciət etməyə dəyər. Bəlkə də test həkimlərə bir ipucu verəcək.