Gündə neçə stəkan su içmək lazımdır və suyun hansı temperaturda olması lazımdır?

Aztibb.az 161.ru-ya istinadən xəbər verir ki, 2022-ci ildə Çində orta ömür uzunluğu 78,2 yaşa qədər artıb. Təbii ki, bu rəqəmlər kompleks amillərdən asılıdır, lakin qidalanma və ümumiyyətlə həyat tərzi uzunömürlülüyün qazanılmasında mühüm rol oynayır.

Çinlilərə görə sağlamlığın əsas komponentlərindən biri isti suyun müntəzəm istifadəsidir. Diyetoloq İnna Kononenko izah edir ki, isti su həqiqətən maddələr mübadiləsini sürətləndirir, mədə, mədəaltı vəzi şirələrinin ifrazını və öd axınını yaxşılaşdırır, yəni mədə-bağırsaq traktının işinə kğmək edir.

İsti su içməklə siz orqanizmdən toksinlərin və zərərli maddələrin çıxarılmasına kömək etmiş olursunuz və bu da öz növbəsində orqanizmin daha uzun müddət normal funksiyalarını saxlamasına, gənc və sağlam olmasına kömək edir.

Maye qəbulu nisbətlərinin hesablandığı saysız-hesabsız düsturlar var. Ən məşhurlarından biri deyir ki, hər kiloqram bədən çəkisi üçün 30-45 ml su hesablanır.

İnsanın maye və suya olan ehtiyacı bir çox parametrlərdən - cinsdən, yaşdan, çəkidən, fiziki fəaliyyətdən, iqlim şəraitindən asılıdır və müxtəlif şəraitdə dəyişir. Bədəndə su mübadiləsi mexanizmi susuzluğun köməyi ilə əks əlaqə prinsipi ilə tənzimləndiyi üçün sağlam insanın su sərfiyyatı normalarını hesablamasına ehtiyac yoxdur.