İnsan bədənində təxminən 200 müxtəlif növ hüceyrə var, onlardan 12-si döş toxumalarında olur.

Aztibb.az “Zdorovıe” jurnalına istinadən xəbər verir ki, bu xəritə alimlər tərəfindən yeni araşdırmada təqdim edilib

Texas və Kaliforniya Universitetinin alimləri normal döş toxumasının ən böyük və ən əhatəli atlasını yaradıblar. Bu atlasın yaradılması prosesində 126 qadından alınmış 714 000-dən çox hüceyrə müxtəlif genomik profilləşdirmə üsullarından istifadə edilərək təhlil edilib, nəticədə hüceyrələrin 58 bioloji vəziyyəti müəyyən edilib.

Bundan əlavə, tədqiqatçılar etnik mənsubiyyətə, yaşa və menopozun mövcudluğuna görə döş toxuması nümunələrində fərqləri müəyyən etdilər.

Tədqiqatın ən mühüm kəşfi süd vəzisinin kanalları və lobulları ətrafında immun hüceyrələrin böyük bir toplanmasının aşkar edilməsi olub. Əvvəllər sağlam döş toxumalarında onların çox az miqdarda olduğuna inanılırdı.

Yeni məlumatlar döş xərçənginin müəyyən alt növləri üçün daha təsirli immunoterapiyaların inkişafına kömək edə bilər. Həmçinin, bu atlasın mastit və laktasiya ilə bağlı digər problemləri öyrənən hər kəs üçün çox faydalı olacağı gözlənilir.