Yay aylarında təzyiq və ürək xəstəliyi olan şəxslərin diqqətli olması lazım olduğunu ifadə edən professor Halil Tanrıverdi təzyiqi idarə etmək üçün bol su içməyin vacibliyindən danışıb.
Aztibb.az cumhuriyet.com.tr-yə istinadən xəbər verir ki, həkim yay aylarında artan ürək xəstəlikləri ilə bağlı önəmli açıqlamalar verib.
Qeyd edib ki, havaların istiləşməsi ilə xüsusilə yay aylarında ən çox diqqətə ehtiyacı olan iki xəstəlik qrupuna sahibik. Təzyiq və ürək çatışmazlığı.
"Bədən istiliyi xüsusilə isti havalarda yüksəlir. Bədənin bu artımla mübarizə apara bilməsi üçün damarlar genişlənir. Damarların genişlənməsi səbəbindən qan təzyiqi aşağı düşərək başgicəllənmə, huşunu itirmə, hətta infarkt kimi ciddi sağlamlıq problemlərinə səbəb ola bilər. isti havalarda bol su istehlak etmək, mümkünsə günəş şüalarından uzaq durmaq, yüngül yeməklər istehlak etmək və idman etmək lazımdır”, – deyə həkim bildirib.
Ürək çatışmazlığı olan xəstələrimizdə isə vəziyyət fərqlidir. Bədəndən daim su itirildiyi üçün ürək çatışmazlığı olan xəstələrimizə ümumiyyətlə ödem dərmanı tövsiyə edirik. Dərmanların dozası düzgün tənzimlənməzsə, bədən susuz qala bilər və böyrək çatışmazlığı kimi bir prosesə səbəb ola bilər. Bundan əlavə, ürək-damar xəstəlikləri olan şəxslərin isti havalara daha həssas olduqlarını və həkimləri ilə əlaqə saxlamalı, sağlamlıq durumlarını diqqətlə izləmələri unudulmamalıdır.