Həkimlər toyuqdan zəhərlənmə ilə bağlı xəbərdarlıq edərək bildirib ki, toyuq dönəri yeyərkən diqqətli olun.
Aztibb.az cumhuriyet.com.tr-yə istinadən xəbər verir ki, toyuq əti naməlum yerlərdən alınmamalıdır, əks halda qida zəhərlənməsi riski artır.
Hər kəsin ləzzət aldığı toyuq dönəri tez xarab olan qidalar sırasındadır. Mütəxəssislər toyuq dönərinin məlum və etibarlı yerlərdən istehlak edilməsinin vacibliyini bildiriblər. Sektorda fəaliyyət göstərən müəssisələr yay aylarında toyuq dönərinin 3 saatdan artıq qalmaması lazım olduğunu və onu daim yenilədiklərini bildirirlər.
Toyuq əti isti mühitdə qalmamalı və gündəlik istehlak edilməlidir. Digər tərəfdən, toyuq dönəri bütün gün istidə saxlanılarsa, qida zəhərlənməsinə səbəb olur. Toyuq dönəri gündə ən az 3-4 dəfə təzələnməlidir.
Toyuq əti çiy halda soyuducuda 3-4 gündən, dondurucuda isə 4 aydan çox saxlanılmamalıdır. Əgər bişib soyuducuya qoyularsa, 1-2 gün ərzində istehlak edilməlidir. Bişmiş toyuq ətini hətta soyuducuda da 2 gündən çox saxlamayın.