Mütəxəssislər Qurban bayramının daha sağlam keçməsi üçün düzgün qidalanma təkliflərini paylaşırlar.
Aztibb.az xəbər verir ki, mütəxəssislərin bildirdiyinə görə, qurban ətini 24 saat saxlamaq daha sağlamdır.
Burada məqsəd “Rigor” dediyimiz ölümün sərtliyini gözləməyimizdir. Kəsimdən sonra 6-12 saat ərzində ölüm sərtliyi baş verəcək. Yəni heyvan kəsilən zaman stres altında olur və bu ətin tərkibinə təsir edir. Bu vəziyyətin insanlarda stress və təşvişin artmasına səbəb olacağı üçün kəsimdən sonra ətin 24 saat saxlanılması daha sağlam olar.
Ətin tərkibində keyfiyyətli sink, dəmir, maqnezium və B qrupu vitaminləri var. Ətdə doymuş yağ var və xolesterolu yüksəkdir. Ətin yağsız hissəsini istehlak etməyə çalışsaq da, qırmızı ətin orta yağlılığı yüzdə 20-dir. Yetkin bir insanın ümumi gündəlik protein qəbulu hər kiloqram üçün 1 q olaraq hesablanır, bitki mənşəli protein mənbələri də daxildir.
Məsələn, 50 kq çəkisi olan bir insan gündə orta hesabla 50 qram protein almalıdır. Həddindən artıq istehlak böyrək problemləri, qaraciyər yağlanması və xolesterin kimi sağlamlıq problemlərinə səbəb ola bilər.
Həftədə 2-3 gündən çox qırmızı ət istehlak etməyi məsləhət görmürük. Hər şeyin ölçülü şəkildə istehlak edilməsi vacibdir. Balanslaşdırılmış qidalanma sağlamlığın ilk şərtidir.