Bayram ərəfəsində vətəndaşlara və bu sahədə fəaliyyət göstərən şəxslərə dini ayinlərlə yanaşı, həm də müvafiq qanunvericiliyin tələblərinə uyğun heyvan kəsiminin həyata keçirməsini tövsiyə edilir.

Aztibb.az xəbər verir ki, bayram günlərində heyvan kəsimi ilə məşğul olan şəxslərdən şəhərimizin küçələrində və yol kənarlarında antisanitar şəraitin yaradılmaması üçün heyvan kəsimini, baytarlıq-sanitariya və gigiyena normalarına uyğun şəkildə yerli icra hakimiyyəti orqanları tərəfindən yaradılmış kəsim məntəqələrində həyata keçirmələri xahiş olunur.

Hər il bununla bağlı lazımi şəraitin yaradılması üçün müvafiq dövlət təşkilatlarından səlahiyyətli şəxslər yerlərdə monitorinqlər keçirir və müvəqqəti olaraq heyvan kəsiminin təşkil olunması üçün yerlər müəyyənləşdirirlər.

Qurban bayramında heyvan kəsiminin normalara uyğun şəraitdə təşkil olunması, küçə və yol kənarlarında baş verən antisanitar vəziyyətin yaranmaması üçün bu tələblərə əməl etmək tövsiyə olunur.