Tədqiqatçılar yumorun depressiya və digər psixi xəstəlikləri olan insanlara təsiri ilə bağlı 29 araşdırmanı təhlil ediblər.

Aztibb.az xəbər verir ki, işin nəticələri “Brain and Behavior” jurnalında dərc olunub.

Təcrübələrdə 9 ölkədən depressiya və narahatlıqdan əziyyət çəkən 2964 nəfər iştirak edib. Onların arasında cərrahiyyə əməliyyatı və ya narkozdan keçmiş uşaqlar, eləcə də əlillər və qocalar, evlərində Parkinson, dializ, xərçəng xəstələri, ruhi xəstəlikləri olan insanlar olub.

Müxtəlif xəstəliklərdən əziyyət çəkənləri tibbi klounlar əyləndirib, seanslarda gülüş yoqası (Hasyayoqa) da təqdim edilib.

İştirakçıların əksəriyyəti yumor terapiyasının onların depressiya və narahatlıqlarını azaltdığını etiraf edib, lakin bəziləri təsirin əhəmiyyətli olmadığını hiss edib.

Sadə və mümkün tamamlayıcı alternativ terapiya olaraq yumor terapiyası gələcəkdə tibb üçün faydalı ola bilər.