Minnesota Universitetinin alimləri yaşlı insanlarda beyin sağlamlığını təşviq etmək üçün ən təsirli alqoritmləri nəzərdən keçiriblər.

Aztibb.az xəbər verir ki, “The Lancet Healthy Longevity” jurnalının yazdığına görə, bir sıra araşdırmalar maraqlı bir qanunauyğunluq aşkar edib: beyin kifayət qədər idrak ehtiyatına malikdir. Yəni o, zədələrdən, infarkdan, xroniki xəstəliklərdən və ya yaşa bağlı dəyişikliklərdən böyük ölçüdə sağalmağa qadirdir.

Beyinlə əlaqəli xəstəliklərin müalicə üsulları mükəmməl deyil. Bu o deməkdir ki, əsas diqqəti profilaktikaya yönəltmək lazımdır.

Alimlər bu cür xəstəliklər üçün risk faktorlarının nə olduğunu araşdırıb

2002-ci il yanvarın 1-dən 2023-cü il yanvarın 1-dək “PubMed” verilənlər bazasında dərc edilmiş elmi məqalələr nəzərdən keçirilib. Məlum olub ki, siqaret, oturaq həyat tərzi, alkoqoldan sui-istifadə, hipertoniya, qeyri-kafi yuxu və bir sıra digər amillər zamanla beynin zədələnməsinə səbəb olan stressin yığılmasına gətirib çıxarır.

Stress yaranır bərpa mexanizmlərini yararsız hala gətirir. Nəticədə beyin zədələnməsi geri dönməz hala gəlir.

Beləliklə, erkən qocalmanın qarşısını almaq, bu risklərdən qaçmaq mümkündür. Bir sıra sağlam həyat tərzi proqramları buna yönəlib, səmərəli şəkildə həyata keçirilir, məsələn, aktiv uzunömürlülüyün artıq norma hesab olunduğu Yaponiyada buna nail olunmaqdadır.