Berklidəki Kaliforniya Universitetinin alimləri kolibrilərin spirtə necə reaksiya verdiyini üzə çıxaran təcrübə aparıblar.

Aztibb.az “Royal Society Open Science” jurnalına istinadən xəbər verir ki, bu fikir hər zaman nektar yeyən kiçik quşların müşahidə edilməsi nəticəsində ortaya çıxıb.

Ətraf mühitdə çox rast gəlinən bakteriya və göbələklər şəkəri spirtə çevirə bilirlər. Quşları onları nektarla birlikdə udur.

Bu, cüzi çəkisi olan kolibri quşlarına necə təsir edir?

Alimlər quşu müxtəlif konsentrasiyalarda spirt olan şərbətlərlə qidalandıraraq sınaqdan keçiriblər. Məlum olub ki, quşlar spirt tərkibi 1% -dən az olan şərbətlərə üstünlük verirlər.

İstehlak olunan spirtin ümumi miqdarını hesabladıqdan sonra alimlər heyran qalıblar. Həmin hesablama insan çəkisi kateqoriyası ilə müqayisə edilib və müyyən olunub ki, bu təxminən 80 kq çəkidə bir adamın saatda 0,43 litrdən 0,86 litrə qədər araq qəbul etməsinə bərabərdir.

Bir neçə saat ərzində belə bir doza bir insanı öldürə bilər! Ancaq quşlar heç nə olmamış kimi uçmağa davam edirlər.

Sirri nədir?

Bu kiçik quşların maddələr mübadiləsi unikal sürətlə işləyir, buna görə də şəkər və etanolun beyinə hücum etməyə vaxtı yoxdur.