Rusiyalı alimlər xərçəngin ən təhlükəli formalarından birinin aşkarlanması üçün yeni üsul tapıblar. Həkimlər qan analizinin köməyi ilə xüsusi xərçəng növlərini müəyyən edə biləcəklər.

Aztibb.az actualnews.org-a istinadən xəbər verir ki, yeni tapıntı xərçəngin müalicəsinin tarixini dəyişə bilər. Bununla bağlı məlumat dərc edən “Pharmaceutics”in məlumatına görə, mütəxəssislər qan biomarkerlərindən istifadə edirlər.

Eyni zamanda, xərçəng əlamətlərinin aşkarlanması üsulu qeyri-invazivdir, bu da daha sürətli və asan diaqnoz üçün vacibdir. Layihə üzərində Tomsk Dövlət Universitetinin, Atmosfer Optikası İnstitutunun, Moskva Dövlət Universitetinin və Rusiyanın bir sıra digər elmi mərkəzlərinin mütəxəssisləri çalışıblar. Onların qlioma inkişaf amillərini təyin etmək üçün yaratdıqları üsul glioblastomaların çoxformalı bədxassəli yenitörəmələrini vaxtında müəyyən etməyə kömək edəcəkdir.

Bu metodologiya böyük əhəmiyyət kəsb edir, çünki bəşəriyyət onilliklər ərzində düzgün diaqnozla bağlı problemini aradan qaldırmaq üçün mübarizə aparır. Yeni texnika inkişaf etməkdə olan bədxassəli şişi ilkin mərhələdə aşkar edərək, yüz minlərlə insanın həyatını xilas etməyə kömək edəcək.