Bədəndə taurinin olmaması qocalma prosesini sürətləndirə bilər.

Aztibb.az newinform.com-a istinadən yazır ki, bu qənaətə Kolumbiya Universitetinin İrvinq Tibb Mərkəzinin mütəxəssisləri gəlib. Onlar həmin maddənin əhəmiyyətini izah ediblər.

Alimlər taurinin bəzi qidalarda olduğunu və bədən tərəfindən də istehsal olunduğunu söyləyiblər. Əvvəlcə bu maddənin yalnız sümük əmələ gəlməsi prosesində iştirak etdiyi və immunitet sistemini gücləndirdiyi güman edilirdi. Bununla belə, tədqiqatçılar müəyyən ediblər ki, bu, eyni zamanda insanın ümumi ömrünə də təsir edir.

Araşdırma müəlliflərinin fikrincə, taurinin sağlamlığa son dərəcə müsbət təsiri var. Xüsusilə, piylənmənin inkişafının qarşısını alır, qanda qlükoza səviyyəsini aşağı salır və onurğada sümük sıxlığını artırır.