Multivitamin əlavələrinin gündəlik qəbulu qocalıqda kişilərin sağlamlığına müsbət təsir göstərir.

Aztibb.az newinform.com-a istinadən yazır ki, bu barədə Oreqon Dövlət Universitetinin Linus Polinq İnstitutunun alimləri məlumat veriblər.

Mütəxəssislər 68 yaşdan yuxarı 35 sağlam kişinin iştirakçısı olduğu araşdırma aparıblar. Birinci qrupa vitamin əlavəsi, ikinci qrupa isə plasebo (psixoloji təsir nəticəsində fizioloji dəyişmənin müsbət müalicəvi effekti) verilib.

Multivitaminlərin sağlam karotenoid səviyyələrini saxlamağa kömək etdiyi aşkarlanıb. Çox vaxt insanlar bu maddələri qidadan alırlar, lakin bəzi hallarda bu miqdar immuniteti saxlamaq üçün kifayət etmir.

Mütəxəssislər əlavə araşdırmaları davam etdirmək niyyətindədirlər.