Qaçış sağlamlıq üçün faydalı hesab edilsə də, bəzi insanlar üçün təhlükəli ola bilər. Bunu idman həkimi, sağlam həyat tərzi üzrə ekspert Aleksandr Çistyakova deyib.

Aztibb.az lenta.ru-ya istinadən yazır ki, tibb mütəxəssisinin iddiasına görə, qaçmaq artıq çəki və piylənməsi olan insanlar üçün təhlükəli ola bilər.

Bu, qaçış prosesində onurğa və ayaqların oynaqlarının əziyyət çəkməsi ilə əlaqədardır ki, bu da təhlükəli xəstəliklərin inkişafına səbəb olur. Xüsusilə də artıq çəkisi olan xəstələrdə qaçışdan sonra artrit və artroz inkişaf edə bilər.

Həkim onu da qeyd edib ki, arıqlamaq üçün qaçmağın faydaları haqqında mif doğru deyil. Onun sözlərinə görə, yalnız sürətli gəzinti faydalıdır ki, bu da yağ yandırma proseslərini başladır.