Heç kimə sirr deyil ki, səhər yeməyi günün ən vacib yeməyidir. Mütəxəssislər əmin edirlər ki, o, qidalanmanın bütün əsas komponentlərini ehtiva etməlidir, lakin eyni zamanda qədərincə olmalıdır.

Aztibb.az pravda.ru-ya istinadən xəbər verir ki, endokrinoloq Zuxra Pavlova sizi yuxudan oyandıracaq və enerji verəcək ən faydalı səhər yeməklərinin adını bildirib.

Həkim qeyd edib ki, əgər ilk yemək sırf karbohidratdırsa, o zaman çox tez yemək istəyəcəksən. O vurğulayıb ki, “düzgün” səhər yeməyi üçün vacib şərtlərdən biri balansdır.

Həkim hesab edir ki, ən sağlam və sadə səhər yeməyi omlet və bir parça taxıl çörəyindən ibarət ola bilər. Buxarda bişmiş tərəvəzlərlə omlet də edə bilərsiniz. Üstəlik, endokrinoloq səhər yeməyi üçün tərəvəz və bir qaşıq bitki yağı ilə qaynadılmış yumurta salatı bişirməyi məsləhət görüb.

Sağlam səhər yeməyi kimi o, bir yumurta və ya bir dilim pendir ilə sıyıq, yaxud avokado, xiyar, və pendirlə buğda çörəyi sendviçini tövsiyə edib.