Yeniyetmələr arasında dəmir çatışmazlığı qidalanma ilə bağlı olan çatışmazlıqların ən yayılmış növüdür.

Aztibb.az beynəlxalq təlimatlara istinadən yazır ki, yeniyetmələrin bu dövründə bədənin böyüməsi, qan və əzələlərin həcminin artmasına görə, onlarda dəmir defisitli anemiyanın ehtimalı yüksəkdir.

Bədən çəkisinin artması və qızlarda başlanan aybaşılar dəmir defisitinin yaranması üçün əlavə səbəblərdir.

Yeniyetmələrin qidalanmasında dəmirlə zəngin olan qida məhsullarının istifadəsi zəruridir.

Bunlara ət, balıq, paxlalılar, tünd yaşıl yarpaqlı tərəvəzlər, qoz, fındıq, badam, yer fındığı, keşyu və dəmirlə zənginləşdirilmiş məhsullar (sıyıqlar, peçenye və s.) aiddir.