Amerikalı yazarlar Adel Faber və Eleyn Mazlişin müəllifi olduqları bu kitab uşaqların sağlam inkişafından bəhs edən və milyonlarla nüsxə satılan bestsellerdir.

Aztibb.az tibb və sağlamlığa dair dəyərli kitabları oxucularına tövsiyə edir.

Uşaqlarla münasibətlərdə problemlər hər kəsdə olur. Valideyn uşaqlarından cavab ala bilməyəndə bəzən öz acizliyini hiss edir.

Lakin iş orasındadır ki, böyüklər uşağa öz fikirlərini və hisslərini necə çatdırmağı və onu necə başa düşməli olduqlarını bəzən bilmirlər.

Bu kitab uşaqlarla (məktəbəqədər yaşdan yeniyetməlik dövrünədək) necə düzgün ünsiyyət qurmaq barədə məntiqli, anlaşılan, yumor hissi ilə yazılan bir dərslikdir. Heç bir usandırıcı nəzəriyyə olmadan! Bütün ehtimallara qarşı yalnız yoxlanılmış praktik məsləhətlər və çoxlu canlı nümunələr!

Müəlliflər valideyn-uşaq münasibəti sahəsində dünyada məşhur olan mütəxəssislərdir. Kitabda onlar həm öz şəxsi (hərəsinin 3 uşağı var), həm də onların seminarlarına gələn çoxsaylı valideynlərin təcrübələrini oxucularla bölüşürlər.

Bu mənada kitab uşaqlarla tam anlaşılmaya gəlmək istəyən və “nəsillər konfliktləri”nə həmişəlik son qoyan hər bir kəs üçün maraqlı olacaq.

Kitab “Qanun” nəşriyyatı tərəfindən Azərbaycan dilində də çap edilib.