Qastroenteroloq Dilyarə Lebedeva insanın yorğunluq hissi ilə oyanmasının mümkün səbəblərini açıqlayıb.

Aztibb.az pravda.ru-ya istinadən xəbər verir ki, mütəxəssisin bildirdiyinə görə, uzun müddət belə bir vəziyyət həzm sistemində problemlərə işarə edə bilər.

Həkim qeyd edib ki, hər səhər yaxşı əhval-ruhiyyə ilə durmaq və böyük enerji ehtiyatına sahib olmaq üçün bir neçə qaydaya riayət etmək lazımdır: “Qeyri-kafi yuxu, yatmazdan əvvəl şirniyyat və ağır yemək yemək, mədə problemləri xroniki yorğunluğa səbəb ola bilər”.

Qastroenteroloq ən azı səkkiz saat yatmağı və yatmazdan əvvəl mədə-bağırsaq traktını yükləməməyi tövsiyə edib. O, əlavə edib ki, qeyri-düzgün qidalanma və yuxusuzluq səbəbindən artıq çəki, şişkinlik yarana bilər.