Düyünün "yeddi dəfə suda yuyulması" barədə inac var. Bir çox insan soruşur: niyə? Bu suala cavab vermək üçün alimlər tədqiqat aparıb.

Aztibb.az xəbər verir ki, bununla bağlı “Poisk”də yazı dərc edilib.

Aşpazlar hesab edirlər ki, düyünün əvvəlcədən yuyulması düyüdə əmələ gələn nişastanın miqdarını azaldır. Düyünün səthində sərbəst nişasta (amiloza) olduğunu göstərən bulanıq su bunun əlamətidir.

Tədqiqat zamanı eyni tədarükçüdən əldə edilən üç müxtəlif düyü növünün yuyulmasının yapışqanlığına və möhkəmliyinə təsiri müqayisə edilib.

Nəticədə yuma prosesi düyünün nə yapışqanlığına, nə də möhkəmliyinə təsir göstərməyib.

Tədqiqatçılar müəyyən ediblər ki, yapışqanlıq səthdəki nişasta (amiloza) deyil, daha çox bişirmə prosesində düyüdən yuyulan amilopektin adlı başqa nişastadan qaynaqlanır.

Beləliklə, düyünün yapışqanlığı yuyulmasına görə yox, çeşidinə görə dəyişir.

Məlum olduğu kimi, bir çox qida məhsullarında, o cümlədən düyüdə mikroplastiklər aşkar edilib. Yuyulma prosesinin bişməmiş düyüdən plastikin 20%-ə qədərini yuduğu məlum olub.

Eyni araşdırma göstərib ki, hansı qablaşdırmada (plastik və ya kağız torbalar) düyü alsanız, onun tərkibində eyni səviyyədə mikroplastik var.

Tədqiqatçılar həmçinin göstəriblər ki, əvvəlcədən bişmiş düyüdə plastikin miqdarı xam düyü ilə müqayisədə dörd dəfə çoxdur.

Düyünü əvvəlcədən yaxalamaqla, plastikin miqdarını 40% azalda bilərsiniz.