Nyu-Heyvendəki Yale Universitetinin alimləri siçanlar üzərində təcrübələr aparıblar və müəyyən ediblər ki, ana südü ilə qidalandırma qadın orqanizmini şəkərli diabetin inkişafından qoruya bilər.

Aztibb.az “SM News”a istinadən yazır ki, tədqiqatların nəticələrinə görə, ana südü ilə qidalandırma mədəaltı vəzinin fəaliyyətinə və insulin istehsalına təsir göstərir. Bu, tip 2 diabetlə əlaqəli riskləri aradan qaldırır.

Tədqiqat balaları olan iki qrup siçan üzərində aparılıb. Bəziləri balalarını bəsləyib, bəziləri yox. Bir ay sonra, laktasiya etməyən siçanlarda diabetin tətikləyicisi olan insan visseral piyinə bənzər daha çox metabolik aktiv piyi yaranıb. Həmçinin, süd verməyən siçanlarda mədəaltı vəzi yaxşı formada deyildi. Qeyd olunur ki, ana südü ilə qidalandırma ananı uzun illər qoruyur.