Mütəxəssislər yabanı sarımsağın insan sağlamlığını yaxşılaşdıran faydalı məhsul olduğunu, eyni zamanda müxtəlif xəstəliklərin qarşısının alınmasında köməkçi olduğunu bildiriblər.

Aztibb.az xəbər verir ki, bu barədə “ChitaMedia” məlumat yayıb.

Qeyd edilir ki, yabanı sarımsaq bir çox faydalı vitamin və mikroelementlərlə, o cümlədən karotinlər, vitamin C, B qrupu vitaminləri, minerallar - kalium, kalsium, maqnezium, dəmir, mis, manqan, sink, fosfor, flavonoidlər və efir yağları ilə zəngindir.

Qeyd edilib ki, karotenoidlər insan dərisini ultrabənövşəyi şüalardan qoruyur, görmə qabiliyyətini və immunitet sistemini yaxşılaşdırır. Vitamin C və B hamiləlik, sümük, ürək və əzələ sağlamlığının qorunması üçün faydalıdır. Flavanoidlər, öz növbəsində, insan hüceyrələrini zərərdən qoruyan antioksidanlardır.

Eyni zamanda yabanı sarımsağın tərkibində çoxlu miqdarda efir yağları var ki, bu da dərini və selikli qişaları qıcıqlandıra bilər, ürək-damar sistemini zəiflətməklə yanaşı, allergiya da yarada bilər. Buna görə də ehtiyatla istifadə edilməlidir.

Mütəxəssislər gündə bir və ya iki yarpaq salatlarda yeməyi məsləhət görürlər. Onlar həmçinin əlavə ediblər ki, əgər insanda komponentlərə qarşı allergiya və ya yüksək həssaslıq varsa, o zaman ilk növbədə həkimə müraciət edilməlidir.